فاصل اعلانى ونواصل تانى
الاول كدة علشان ندى كل واحد حقة فكرة الفاصل دى فكرة سول عجبتنى فعملتها ...فشكرا يا سول
مع الشيخ فشار ليلك يبقى نهار
الشيخ فشار .... دكتوراة من جامعة هارفارد فى تفسير اللى مابيتفسرش
الشيخ فشار.... تلاتة ماجيستير من جامعة يوكوهاما فى تحليل اللى مابيتحللش
الشيخ فشار .... تمانية دبلومة من جامعة الازهر فى توصيف اللى مابيتوصفش
الشيخ فشار ...دبلوم صنايع قسم خراطة من مدرسة رزق شويل الميكانيكية فى شبرا
الشيخ فشار.... صاحب الكتاب الاكثر مبيعا ...".مع فشار تخلى الاسد فار "
كل اللى عليك انك تتعشى عشوة تقيلة قوى وتخش تنام على طول ...وخلى الغطا منزاح ...دى اهم حاجة .... خلى الغطا منزاح ....حيجيلك كابوس..... طبيعى ......اتصل بـــ 0900 مهما كان الكابوس مرعب .....مهما كان الكابوس يخوف ....ماتخفش حنفسرة حلو .......ونروقك وندلعك
للتواصل مع الشيخ فشار :
العنوان : فرش الشيخ فشار امام جامع القائد ابراهيم على البحر عد ل
E.mail : ARSAK @ HABAL .com
السلام عليكم و رحمة الله و بركاته
ردحذفيادكتور
أى خدمة والله أنت تؤمر
:)
بس تعرف الشيخ فشار دا سره باتع
مش عارفة يعمل ايه بعد كدا
دبلومات و ماجستير و دكتوراه
بجد ربنا يعفو عنا
الواحد ماعدتش عارفف الحق فين
ربنا يعلمنا يارب
دمت بود
أزال المؤلف هذا التعليق.
ردحذفصباح الخير يا دكتور
ردحذفايه الفاصل الاعلاني الحلو دا
يا ريت الفواصل الاعلانية في التي في هى كمان تكون كدا بدل الاعلانات اللى حرمنا بسببها نشوف حاجة
تصدق انا الشيخ الفشار دا لا يمكن اقتنع بيه مهما قال ومهما عمل
لا والحلو في اى برنامج يستضيفو فيه شيخ فشار
تلاقي الاتصالات تبتدي تشكر في الشيخ الفشار وبأنه الحلم اللى فسره مش عارفه لمين اتحقق .سبحان الله
مش عارفه ليه دايما بيحسسونى انهم متخيلين اننا على قدر كبير من البلاهة واننا ممكن نصدق اى حاجة
وزى ما قلت بالظبط حتى الكابوس بيفسره الفشار على انه رؤيا جميلة وخير جاي لصاحبه
ربنا يبعدنا عن الشيوخ الفشارين وعن العقول المغيبة المصدقة للفشارين
E.mail : ARSAK @ HABAL .com
ردحذفهههههههههههههههههههههههههههه
حلوه حلوه حلوه
ايوه والنبى انا باتنقط منهم
وتبص تلاقيه الو يا شيخ انا حلمت انى باعمل محشي تفتكر ده حلو ولا وحش
يقولها كان محشي ايه ؟؟
تقوله بتنجان
يقولها يا ساااتر يارب
طب كان اسود ولا ابيض اصل تفرق
ويتوالى الهبل والجنان وفعلا فعلا رزق الهبل على المجانين
تحياااااااااااااتي لقلمك
وحمد الله بالسلامه نورت البلوج
في زمن المصغرة تغيرت أهتمامات الأمة
ردحذفأولا الأمة معندهاش غير الأحلام فلزم لها الشيخ فشار
ثانيا الأمة كلها معمول لها عمل ومحتاجة الشيخ حقيقة
ثالثا الأمة كلها محسودة ومحتاجة بخور وفاسوخة "معرفش يعني ايه بس سمعتها كده" وياريت كف ازرق ونخبي على بعضنا الخبر الحلو ونمشيها الشكوى رقية
تحياتي
طيب طالما فشار بقى طب ما اشتغل انا الشغلانة دي شوية
ردحذفههههههههههههههههه
بس للاسف نمرة نوبايلى زيرو عشرمية مش تسعمية
بجد فعلا الناس اهتماماتها تكاد تكون انحصرت فى لقمة العيش ثم التدهل فى حياة الاخرين ثم الهيافة بقى.
ربنا يسترنا فى الدنيا ويحسن خواتمنا