انت عارف معنى الحب اية (1)
جميلة ونور ...شابين حلوينوصغيرين ..فى سنة اولى كلية ...كلية واحدة ..وسكشن واحد ...بس مايعرفوش بعض ...حيعرفوا بعض ازاى ....دا السكشن فية 300 طالب ...مين يعرف مين يا عم ... يوم الجمعة راح نور مع شلتة السينما ...وراحت جميلة مع شلتها هية كمان السينما ...علشان يشوفوا الفيلم الجديد بتاع احمد السقا ومنى ذكى ...فيلم رومانسى وانت عارف احنا اد اية محتاجين الرومانسية ....ولا اية ؟!!! النور انطفى ...وبدأ الفيلم ...كانوا مركزين قوى ...ومشدودين لكل لقطة ...مع انهم ياخى شافوا الميكنج بتاع لفيلم على روتانا سينما ....يعنى عارفين لقطات الفيلم معمولة ازاى ....كلة ضحك على الدقون ...وتمثيل فى تمثيل ....لكن الشاشة الكبيرة اللى بنحس قدامها قد اية احنا صغيرين ...مع الضلمة والتكييف الساقع ...وشوية الموسيقى التصويرية الحزينة اللى تقطع القلب اللى معمولة بنظام الدولبى ....دا غير الديكورات اللى فى الفيلم اللى نفسك تقعد ان شالله فى ضلها ...لخبطوا مشاعر العيال ...وحس نور انة احمد السقا ...وحست جميلة انها منى ذكى .... وبدأ الفيلم ...مش فيلم احمد السقا ومنى ذكى ....لأ ....دا فيلم تانى فى دماغ جميلة ونور ....صدقت جميلة انها منى ذكى ....واتمنت انها تقابل احمد السقا .....وصدق نور انة احمد السقا ....واتمنى انة يقابل منى ذكى ...وتانى يوم وهما فى الكلية ...صادفت ووقفوا قدام بعض ....جميلة قالت فى نفسها ...الواد دة شبة احمد السقا ...مناخيرة بالظبط ...ونور قال فى نفسة ...البت دى شكل منى ذكى بالظبط دا حتى ودنها ...قربوا من بعض ...واتكلموا ...وانطلقت شرارة الحب ...أو اللى كانوا فاكرين انة حب ...جميلة ماكنتش شايفة غير احمد السقا بجدعنتة ودمة الخفيف ...ونور ماكنش شايف غير منى ذكى برقتها ورومانسيتها ...واتبادلوا كشاكيل المحاضرات ...واتكلموا فى التليفونات ...وقعدوا فى الكافيهات ...كل حركة حركة احمد السقا ...وكل همسة همسة منى ذكى ....ماكنتش شايفة هيافتة وقلة عقلة واستهتارة ...ماكنش شايف انانيتها وحبها لنفسها وحقدها ....بس كملوا ...كملوا لمجرد انهم بدأوا ...واتخرجوا ..واتجوزوا ...طبعا غصب عن العيلتين ....ماحنا لازم ندافع عن حبنا ...والا اية ؟!!!!.....وشافها وهية بالايشارب وشافتة ودقنة طويلة ...شافها وهية قايمة من النوم ...وشافتة وهوة معمص ...شاف انانيتها وحبها لنفسها ....شافتة وهوة مش عارف يعمر فى شغلانة ...نسيت احمد السقا وشافت نور ....نسى منى ذكى وشاف جميلة ....واتطلقوا بعد سنة من الجواز ....وصحوا من حلم احمد السقا ومنى ذكى ...وصحوا على الحقيقة المرة اللى ماكانوش شايفينها....او اللى ماكانوش عايزين يشوفوها ....كان حلم والعيشة فى الحلم احلى من العيشة فى الحقيقة ....بس فية واحد ناصح ذكى...عايش فى الحقيقة ....بيكسب كويس قوى من شغلتة ...وواثق قوى فى ذكاءة .... لدرجة انة بيوريك هوة بينصب عليك ازاى وبرضة بيتنصب عليك ...وياريتة بيدفعك فلوس بس كانت هانت !!...لأ ..دابيدفعك تمن التذكرة وكمان بيدفعك عمرك .......يا أهـــــــبــــــــل ...انت وهـيـــــــة....
ماهو دا اللى دايما بقول عليه انهم بيحبو الحب نفسه مش الحبيب
ردحذفبيحبو لمجرد انهم عاوزين يعيشو احساس الحب
مش حب للحبيب وطباعه واعجاب بيه وبشخصيته
اللى عاجبني اوي الذكي اللى بيكسب فلوس وفرجة على الناس وهبلهم
عمر الحب وحده ما يقدر يخلي الانسان سعيد
ردحذفلابد من حاجات تانيه تدعم هذا الحب
وأي حب مبتدعمهوش القوة الي تخليه يستمر
هينهار في اول مشكله تقبله
تقبلي مروري
مجنووون
تصفيق حاد كالعاده عارف اكتر كلمه معبره جداااااا عن الوضع فى البوست بتاعك
ردحذفبس كملوا ...كملوا لمجرد انهم بدأوا .
ايووووووووووه هما بيكملوا عشان كده والله العظيم
وبيقفوا قدام اهاليهم عشان يدافعوا حبهم ايوه وربنا الافلام بوظت دماغ العيال
الموضوع ده بالذات باحاول اجمع فيه افكار وبافكر ا كتب قصه عنه
تحياتي لحضرتك وطرحك الجيد فعلا كالعاده
على فكرة الكلام اللي حضرتك كاتبه ده معمول عنه دراسات وابحاث في اوروبا وامريكا
ردحذفوانا قرأت عن دراسة موضوعها " تأثير الأفلام والمسلسلات الرومانسية على حياة الأزواج " وعلى عكس المتوقع تماما وجدوا ان لها تأثير سلبي خطير على استقرار الأسرة فكل طرف يرى في بطل او بطلة المسلسل مالا يجده في شريك حياته وهنا تبدأ المشاكل وكلنا يعلم المشاكل التي صاحبت نور ومهند
ويارب الناس تفهم وتعقل
اسف علي سوء الفهم
ردحذفياعم لا اسف ولا غيرة انا بس كنت خايف لتكون فاهمن غلط ياعم مجنو مجنون يعنى
ردحذف