تاج
جميل قوى احساس انك قاعد قدام حد بيسالك عن نفسك بس ياسلام لو الكلام دة يبقى فى التليفزيون
اسمك ؟
اسمى اسلام
السن ؟
ثلاثون عام و144 شهر....ال144شهر دول بتوع الحكومة لكن ال30سنة دول اللى حفضل بيهم لغاية ما اموت
مجال دراستك ؟
كلية لطب البيطرى ودراسات عليا فى جراحة الحيوان
اسم مدونتك؟
جنعيش يعنى حنعيش
صورتك الرمزيه فى المدونه بتعبر عن ايه ؟
مستقبل مصر لخص وجاب من الاخر
هل فكرت فى اغلاق المدونه ؟ والسبب ؟
مرة من الزهق .... بس جملة جميلة قالتهالى صبرنى يارب هية اللى خلتنى ماقفلهاش قالت لى لوكل واحد زهق وقفل المدونة يبقى مش حيبقى فية مستقبل
ايه رد فعلك لو حد قل ادبه فى التعليق ؟
اتعلمت اسمع كل الاراء حتى قليلة الادب ...اكيد حتعلم منها حاجة ....مش يمكن اقرر فى يوم ابقى قليل الادب اهو يبقى عندى رصيد
اسوأ مدونه ؟
كل مدونة بتقلد وملهاش شخصية ...او بتبدع برة اطار الله ورسولة
هايحصل ايه للاميل بعد ما تموت ؟؟
حيموت معايا ....دا لومامتش قبلى
اديت الباص وور لحد قبل كده ؟؟
طبعا لا ...مانا زى اى بنى ادم لية جانب اسود ماحبش حد يشوفة
السفر بالنسبالك ايه ؟
السفر زى الموت مابحبوش ولو انى نفسى اهاجر
المود بتاعك ايه ؟؟
انت وحظك ياجميل
بتعمل ايه فى وقت فراغك؟؟
بانام ....مش علشان نوم الظالم عبادة ....لكن علشان الايام الهباب ديتها النوم
الاكله المفضله ؟
اتعلمت ان كلة نعمة ربنا
الصفات الى اخدتها من والدك ؟
بقدر اقرا الناس كويس
الصفات الى اخدتها من والدتك ؟
السخرية من الازمات
اكتر ست حاجات بتكرهم ؟
الكذب
الضعف
قلة الادب
الخوف
الظلم
الجدل
اكتر ست حاجات بتحبهم ؟
الصدق
الاحساس بالناس
الدفاع عن الاسلام
الفلوس طبعا
الافكار الجديدة
وقبل كل دول وبعد كل دول بناتى
شخصيتك نوعها ايه ؟
اقرب شبة لشخصيتى بندول ساعى الحائط
احلى جمله قيلت فى وصف مدونتك؟
1انت قديم قوى ياباشا
2كتاباتك متجهة للهدف مباشرة
أهمية التعليقات بالنسبه لي ؟
هوة اللى بيخلينى اكمل
احلى بوست كتبته ؟
كلبشات حرير
أفضل مدونه قراتها؟
كلهم حلوين ...لان لكل واحد راية
الشغل بالنسبه لك ا يه ؟
باشتغل شغلتين شغلة تصرف على البيت
وشغلة بالاقى فيها سعادتى
الانترنت بالنسبه لك ايه ؟
نعمة من نعم ربنا ماحدش عارف قيمتها
تمرر التاج ده لمين ؟
لكل من قراة ..لانة حاجة جميلة انك تشوف نفسك
ههههههههههههههههههههه
ردحذفحلوه زميلة الكفاح المسلح دي بجد
تصور انا بجد بافكر اشيل سلاح لسه ما قررت نوعه هههههههههههه
وبعدين انت برضه من بتوع وقفنا عند الثلاثين وكده
اوك تعالى اقعد جمب رضا هههههههههههههههه
واحسن تعليق انى قلتلك انت قديم اوي يا باشا هههههههههههههههه
طيب ما كلنا لها مانت عارف
وسعيده ان كلمتي اثنتك عن غلق المدونه
تحياتي لحضرتك
ازيك يا دكتور ؟
ردحذفاجابتك على التاج بردو متجهة للهدف زى مدونتك بالظبط
حلو تشبيهك نفسك انك زى بندول الساعة مع انى بختلف معاك في دا لانى شايفاك دايما عارف انت عاوز ايه تماما حاسه مش عارفه ليه ان هدفك واضح ادامك ( دا طبعامن خلال قراءتى لمدونتك )
ومش شايفه خلال انك متأرجح ومره شمال ومره يمين زى بندول الساعة
عجبنى جدا تفسيرك لصورتك بان دا مستقبل مصر
انت دايما مميز
وربنا يخليلك بناتك يارب