كنا بنحارب بالفول والمش
سنة67 يعنى من اتنين واربعين سنة ....كانت هزيمة مصر فى حرب 67 ....عادى ما اى دولة ممكن تتهزم ...والحمد لله قدرنا ننتصر بملحمة كبيرة واعجاز اكبر فى 73 ....دا طبعا غصب عن عين اهل الجهلة اللى بيحاولوا يبينولنا غير كدة .....طعم الانتصار جميل ....هوة انا ماقدرش اقولكم طعم الهزيمة كان اية لانى ساعتها كان عندى شهر وماقدرش اقوللكوا حتى طعم لبن الام كان اية ....لكن اقدر اقولكوا طعم النصر ...كان جميل اينعم كنت برضة لسة صغير ...بس كنت حاسس السعادة والفخر فى كل اللى حوالية ....كان خالى فى الحرب ورجع ...كانت رجلة مكسورة ....البيت ماكنش بيفضى ...اللى نعرفة واللى مانعرفوش كان بيجى ويسلموا علية ....سالت امى هوة لية بيقولوا لخالى يابطل هوة مش اسمة صلاح .....قالتلى علشان هوة طرد الاسرائليين من مصر ...كنت فرحان قوى وكنت دايما اقولة يابطل ...خالى البطل جة ..خالى البطل راح ....نرجع تانى لموضوع الهزيمة ...ايامها كان وزير الدفاع الاسرائيلى اسمة موشى ديان ...وبعد انتصارهم اللى هوة مش شطارة منهم على قد ماهو خيابة مننا .....وقف فى الكنيست وقال انا كنت على بعد كيلو مترات من القاهرة ...بس مرضيتش اخشها .....قام اعضاء الكنيست قالولوا ...ملهاش لازمة الجملة دى ...احنا انتصرنا وخلاص .....ماتزودهاش ياعم ديان ....رد موشى ديان وقال متخافوش ...المصريين لا يسمعون واذا سمعوا لايفهمون واذا فهموا سرعان ماينسون....حقيقة مرة ....وامر مافيها ان احنا كدة فعلا ...ولغاية دلوقتى .... مابنسمعش وان سمعنا مابنفهمش وان فهمنا بسرعة ننسى اللى فهمناة ...اوعى تصدق ان اسرائيل جامدة ...ولاحتى امريكا ..احنا اللى خايبين ومايلين ....رجالة على نفسنا بس ....الحكومة راجل على الموظف الغلبان ....والموظف راجل على المواطن الغلبان ...والمواطن راجل على مراتة الغلبانة ....ومراتة راجل على العيال الغلبانين....والعيال رجالة بالسجاير والبانجو.....ومبنعملش غير ندوات ...ونحط مناديل ورق... ومية معدنية ...ونطلع بريك ...ونرجع نعمل توصيات ونقول ونقول ....وبرضة مانسمعش .....ونقرر فى المؤتمرات اللى بعد كدة ان احنا نسمع ...ونسمع....بس مانفهمش ....وننفذ التوصيات مش زى ماهى المفروض تتنفذ ....لا طبعا ...بنفذها زى ما احنا شايفين ....ونرجع تانى نعمل ندوات ونفهم المرة دى بس ياخسارة ننسى اللى احنا فهمناة....ونبدأ من الاول ....كل مرة نرجع من الاول ....نبتدى من 67 .....نفسى اشوف اليوم اللى نبطل نبقى رجالة على بعض ...ونسمع ونفهم وماننساش ...ونبنى ونعمر ونكبر ....على فكرة زمان واحنا صغيرين كنا نتلم فى الشارع ونقعد نغنى ....ونقول ..موشى ديان الهش الهش ....ضرب مراتة بصحن المش.....موشى ديان الغول الغول ضرب مراتة بصحن الفول....مع اننا ماكناش نعرف مين هوة موشى ديان ولا بيعمل اية ....بس كنا بنحارب على قدنا .....ماهو ماكنش فية على ايامنا بانجو نحارب بية .....ملحوظة اخيرة موشى ديان كان بعين واحدة ....بس كان شايفنا كويس قوى
دي حقيقة للأسف
ردحذفاحنا معظمنا سايقين فيها التوهاااااااااااان
مش عارفين او مش مدركين ان الشعوب دلوقتي هي اللي بتغير مصيرها بايديها وبشغلها وجهدها مش بعددها وحكومتها ولو ان لهم تأثير لكن احنا عملناهم شماعة
وببساطة قارن بيننا مثلا وبين سنغافورة البلد اللي لسه نشأتها من كام سنة وعددها يادوب شارع في حي في القاهرة لكن شوف وصلوا لغاية فين لدرجة ان دخل الفرد فيها بقى اكبر من دخل الفرد في امريكا وانجلترا
دلوقتي لما تتكلم مجرد كلام اننا ممكن نبقى دولة متقدمة محترمة بجهدنا مجرد كلام تلاقي اللي بيضحك واللي بيتريق واللي يقولك ياعم احنا دولة " نايمة " وليست " نامية " واللي يعملك الحكومة هي السبب مع انها متحملة مسؤولية كبيرة في كده من اكبر مسؤول لاصغر واحد فيهم
احنا معظمنا للأسف وصلنا لنقطة خطيرة جدا وهي اننا اصبحنا مقتنعين تماما ان هو ده حالنا ومصيرنا واتولدنا كده وهنموت كده ومش مستحيل يتغير الواقع بل اصلا مش لازم نغير الواقع بتاعنا
تماما مثل اليأس من رحمة الله
اليأس من رحمة الله .....كفر
واليأس من التغيير.....موت
هو انت على طول كدا ؟ واصل بكلامك صح وبتدوس بيه على كل الجروح
ردحذفعندك الف حق وجملة جميلة اوى لما قلت موشى ديان كان بعين واحدة بس كان شايفنا كويس
المشكلة فينا احنا اللى بعينين اتنين وكل عين فيهم أد كداااااااا ومش شايفين حاجة خالص
ما ينفعش كده انا قريت البوست ده من الصبح قبل الجميع بس الباص جه ونزلت ما لحقتش اعلق
ردحذفاولا وباديء ذي بديء
تفتكر ايه علاقة البوست ده بالبوست بتاع تهنئه خاصه جدا جدا ؟؟
شهر واحد ؟؟
بعد شهر واحد يحصل كده
ههههههههههههههههههههههههه
موشي دايان كان بعين واحده بس كان شايفناااااا اسم الله عليك ياا ستاذنا
تصفيق حاد على الجمله دي يا جودعان
الى انا بابصم عليه اكتر واكتر بقى انهم غلبونا وما زالوا غالبنا مش لشطارتهم بس لكن الاهم لخيابتنا احنا
ونفسي انا كمان الصبح يا استاذن اقف فى البلكونه زي زمان
الساعه سبعه صباحا
الاقي الكل خارج رايح شغله ورايح مدرسته
انما انا بالاقي الصبح نوعين من البشر
الموظفين الى اغلبهم عواجيز
والاطفال الى اغلبهم فى مدارس خاصه رايحين بالباص
غير كده بقى اووووووووووووخ
اخرج الساعه 2 الظهر تلاقي الشباب بقى من عمر 16 سنه وانت طالع
مقابلك فى الشارع ضارب جيل ولسه صاحي من النوم عينه حمرا دم من الدخان سواء دخان فاضي بقى ولا مغمس
وشفايفه زرقا وجايز ماسك سيجاره فى ايده ومعلق سلسه على قفاه ومحزق وملزق
وعلى جميع المستويات والله
من اول الى رايح السنتر ياخد الكورس
الى الاستورجي الى طالع ورشته
الى الصايع الى قايم يصيع ويبلطج على خلق الله
اااااااااااه يا بلد
تحياتي لك
الله المستعان
ردحذفوالله انا رغم انى لم اشهد اى حرب الا انى عارف ومتأكد ومطمئن الى وعد الله لهذه الامة وان الله ناصرنا لا محالة...
وانا شايف ان -سبحان الله -اى حاجة بيعملها اعداؤنا لاضعاف المسلمين بتكون عليهم حسرة ويشاء العلى القدير ان تكون سلاحا فى ايدينا لا علينا -حتى لو كانت هذه الاسلحة حربا ودمارا وقتلا لاخواننا فى فلسطين-....
ولكن يبقى ان نحقق ما علينا من اسباب نصرنا وهزيمتهم -وأكيد اننا نبطل نبقى رجالة على بعض هو اهم هذه الاسباب-
وشكرا
بنجاواتى بن ابى بنجاواتى