توضيح لابد منة
الواضح انى مابقيتش مركز ....وبدأت علامات الزهيمر تبان عليا ...انا مقصدش انى ادافع عن الشباب اللى مبدأة افعل ماشئت ....ماخلاص مافيش حياء....واذا كنت بأعذر الشباب علشان الطاقة والهرمونات والبحث عن الذات ....الا انى ماقدرش اعذر البجاحة ....وانك تطلب ان اللى حواليك يوافق على اللى بتعملة ...وساعات بتوصل انك عايز فتوى تصرح لك بدة ....ولو احنا كنا بنعمل كدة فى شبابنا ...كنا بنعملة فى المستخبى ...علشان عارفين انة غلط ...بس برضة مانعملش فيها ملايكة ....واذا كان الشباب لازم يتحاسب فاحنا كمان لازم نتحاسب لان لنا يد فى اللى بيحصل دة ...ولازم نتحمل نصيبنا من المسؤلية ...مش بس نقعد نشتم فيهم وخلاص ...يارب اكون عرفت اوصل وجهة نظرى.....
ملحوظة : هوة يمكن اناماباردش لكن بقرا كل التعليقات مش غتاتة بس الوقت هوة المشكلةمش اكتر
ملحوظة 2: هوة فية اية بالظبط واحد يقولى انت قدمك سعد على البد والتانى يقولى انت باين عليك روش وبتروش ...بلاش ظلم والنبى ...
كويس ان الناس تقول وجهة نظرها وأنتي تبقي توضحي انتي تقصدي ايه
ردحذفواختلاف الرائي لا يفسد للود قضية
تقبلي مروري
مجنووون
مش بقلوكوا انتوا ظالمنى ادى كمان واحد بيعاملنى بنون النسوة واذا ياسيدى كان دة رائك لا بقى يفسد ونص للود قضايا وانا مش موافق على رايك وانا معتز باللى خلقنى بية ربنا ماشى يامعلم
ردحذفمين قال ان وجهة نظرك مش وصلت من الاول
ردحذفانا نفسي فهمت تقصد ايه وواضح انك مش قصدت دفاع عن الشباب اللى مش عنده حياء ويفعل ما يشاء بكل وقاحة
لكن بردو قبل ما نكون ساخطين على كل الشباب لازم نعرف انهم في مرحلة حرجة وكلنا عدينا بمراحل كدا اه صحيح في اختلاف كبير لان دلوقتى الموضوع وسع اوي بس في الاخر احنا مش كلنا ملائكة ولازم قبل ما نجلد بالسوط نتكلم بالحسنى
وانت يا باشا واضح جدا انت مين ومعروفة دماغك ومش محتاجة توضيح
دى تانى حبة بنادول في يومين بعد حبة صبرنى
يا لهووووي
ردحذفاروح انام شويه اجي الاقهمي عاملين فيك كده والنبى
وبعدين مش جنون فقط
ما انت كمان بتقول واحد يقولي انت قدمك سعد على البلد
اوعى تكون تقصدني انا ياعم انا ما قلتش كده
انا بس سألت عن العلاقه هههههههههههههههههههههههههههه
توقع الاختلاف والغلاسه من الناس والظلم مع ان ربنا ما يرضاش بالظلم
مين قالك انت روش وبتروش ؟؟؟
طب ما احنا فاهمين طيب مين الى مش فاهم قصد هاتهووووووولي
هههههههههههههههههههههه
انا معاك فى اننا لازم نعذر الشباب بس ما نديلهمش رخصه بالغلط
وكمان نعذرهم بينا وبين نفسنا بس
قدامهم لازم على الاقل نسجل اعتراضنا لو كانوا شباب كبار
برضه ده بيعمل ردع نفسي لا بأس به
انت تجيب شريط بنادول تخليه معاك احتياطي
تحياتي لحضرتك
والله الشباب مظلوم ومحون لو لاقى حد يفهمه او يستغل الطاقه المكبوته جواه كانوا عملوا بالشباب دا المعجزات بدل ما عملين ينتقدوا فيه والله ذى ما فى شباب دماغه تافهه فى شباب اكتر قد المسئوليه وعنده استعداد مالهوش حدود للنجاح والقدره على البذل والعطاء وربنا يهدى حالنا جميعا
ردحذف