دعوة الى اضراب 15 مايو
هّوة احنا لية على طول حطين الحكومة العدو الاول لينا يلا نعمل اضراب 6ابريل يالا نحتفل بمرور سنة على اضراب 6 ابريل....وندوات ومجلات واللى لة واللى مالوش بيشتم الريس ....لنفرض انة غلطان .....طاب انت يااخى تقدر تشتم ابوك لما مايرضاش يجيب لك حاجة انت عايزها ....لية مافكرناش فى غير ان الريس والحكومة ضدنا .... فية فساد ....ايوة فية فساد.... فية مراكز قوى .....ايوة فية مراكز قوى .....زينا زى اى بلد فى الدنيا .....بس اللى يفرقنا عن اى بلد انا احنا رجالة على نفسنا بس ....بدال مانحط ادينا فى ايدين بعض ونحارب الفساد ....نقعد نقول الحقينى يا امريكا ....الحقينى يا حقوق الانسان ....الحقنى يااضراب 6 ابريل ...الحقينى ياحركة كفاية .....طاب ماكفاية زن على خراب عشنا ....هو انتوا فاكرين ان امريكا بتحبنا اكتر من اسرائيل ....ولا منظمة حقوق الانسان خايفة علينا ولاحتى بتوع كفاية حاسين اصلا بالغلابة....ولاحتى بتوع اضراب 6ابريل نفسهم يصلحوا البلد لله ...حتقولى نظرية مؤامرة ....ومالوة ....مرة بقى تكون فى مكانها .....وبدال ما نوقف حال البلد اللى هيه واقفة اصلا ....ونقول بلاش نشتغل يوم 6ابريل ....نسأل نفسنا هّوة احنا بنشتغل بقيت السنة الاول ؟؟!!.....ما نجرب مرة بجد نعمل اضراب على الفساد ...ودى دعوة منى ياريت تلاقى صدى ....نعمل اضراب بس على الفساد على الكابة بتاعة الصحف الصفرا ونشتغل .... ونخلى يوم الاضراب دة يوم 15مايو ... اضراب على المفسدين والمرتشيين ....والمحتكرين ....والجرايد الصفرا ..وقناة الجزيرة ...وقناة العالم ...اختارت 15مايو علشان دا اليوم اللى قضى فية السادات على مراكز القوى...نقرر ان اليوم دة ننام بدرى ...ونروح الشغل بدرى ....ونخلص مصالح الناس بدرى ...ومانشتريش الجرايد الصفرا ...ومانتفرجش على الجزيرة ولا نانسى عجرم ...ونشتغل بجد التمن ساعات ...ومانديش رشوة حتى لو شغلنا اتعطل ....ماهو متعطل من سنين ...اية يعنى لو اتعطل يوم كمان ... ندفع ونصمم ناخد الباقى ... مانشتريش من المحلات اللى بتغلى علينا ..نقاطع كل اللى بيستغلنا ونقولة فى وشة مش حاخد منك علشان انت بتستغلنى ....نعمل اضراب صح ولو مرة فى حياتنا ....اضراب على نفسنا قبل مايكون اضراب على الفاسدين ...نجرب حيحصل اية ...صدقونى حيحصل كل خير....طبعا كلامى مش حيعجب ناس كتير ...وحيقولوا انت بتغازل الحكومة ....شوف بقى عايز اية من ورا الكلام دة ....انا موافق انا بغازل الحكومة.... ووحش ...ولية اهداف خفية ويمكن اكون انا صاحب سجن ابوغريب ومأجرة مؤقت للامريكان .....وانا اللى ارشدت على صدام ...بس ماتيجى نحاول ...
وبرضة عمرى ماحاشتم حسنى مبارك ولااحمد نظيف ولاحتى يوسف بطرس غالى....رغم انى باختلف معاهم ... ...لانى متاكد انى ماعرفش كل حاجة واللى مايعرفش كل حاجة مايشتمش عمال على بطال ...واقولكوا كلمة قالها احمد مظهر فى فيلم وا اسلاماة ...لما جالة مندوب التتار ...دا كلامى ودى دعوتى ومعرفش مين معايا ومين ضدى ....وبرضة ....والله ماعايز ابقى زعيم .....وياريت اللى معايا ينشر الدعوة دى على قد مايقدر ...دعوة الى اضراب 15 مايو...........اللهم بلغت اللهم فاشهد
على فكرة انا بحب حسنى مبارك وربنا يخلية ويطول عمرة وكفاية ياكفاية
على فكره بقى بداية كده عشان ما نقطعش فى بعض من اولها
ردحذفانا بقى مش باحبه ياعم ايه رايك
ايوه مش باحبه ومستعده اقوله الكلمه دي في وشه
شوف هو حرامي هو وحش هو زفت هو طين ماليش انا دعوه
هو حلو وطعم وامور وابن حلال مصفي بس الى حواليه وحشين وولاد هوهو وفاسدين
ولا حتى هما كمان طعمين وحلوين وبنحبهم ماااااااشي برضه مش مشكلتي دي خالص
ده حضرتك ولي الامر مسؤل قدامنا وقدام ربنا عن كل مصيبه بتحصلنا
وعن كل فرد نايم جعان وهو نايم شبعان وبيتمرمغ فى العز والبذخ
كل ولاة الامور كده دلوقتي يعنى جت عليه ؟؟
طزززززززززز فيهم كلهم . كلهم غلط ما يخلونيش اعترف ابدا انهم صح
هو قدامي وقدامك وقدام ربنا مسؤل عن الفساد الى فى البلد
مسؤل عن الجواعى الى في البلد
مسؤل عمن ولاهم امور البلد الواقعه البايظه دي
مسؤل عن الست الى رمت ابنها من رابع دور عشان مش لاقيه تأكله وفى الملجا قالولها ارميه فى الشارع الاول عشان ناخده
مسؤل عن فساد التعليم وضياع الجيل الجديد دددددده
مسؤل حتى عن الاعلام الفاسد المنافق الى بوظ دماغ العيال
وسقاهم الهبل كاسات عشان يطلعوا فاضيين لا يقولوا هات ولا لنا ولا علينا
مسؤل مسؤل مسؤل مسؤل ومش هاغفرله فشله فى تحمل المسؤليه مهما كانت اسبابه
مش قادر عليها يتفضل يتوكل على الله ويشوف حد غيره يكون قدها ما حدش ماسك فيه
صحيح كيفما كنتم ولي عليكم
بس كمان لو صلح الحاكم صلح المحكوم
حضرتك لو مدير فى شغلك وحد من مرؤسيك بوظ حاجه فى الشغل رئيسك هايحملك انت المسؤليه برضه صح ولا لا ؟؟؟؟؟؟؟؟؟؟؟
عمر بن الخطاب كان بيقول لو عثرت دابه فى اخر الدنيا هاتسأل عنها يوم القيامه داااااابه
مش بنى ادمين ماشيين متعثرين فى حالهم ومطباتهم طول النهار
ما دمنا رايحين للاسوا ما اقدر اغفرله ابدا ولا اعذره
هو عايش فوق والشعب كللللللللله عايش تحت ودي كفايه يا فندم عليه
ده بالنسبه لحسني
هاقوم اعمل المكرونه واجي اتكلم عن الاضراب بتاعك
كله تمام والمكرونه قيد التنفيذ
ردحذفام هند
بالنسبه للاضراب بتاعك معاك يا فندم قلبا وقالبا
بس احب اقولك ان انا بانفذ الاضراب ده طوووووول حياتي مش يوم بس
ومافيش يوم بيعدى عليا الحمد لله الا لو كنت فرد منتج فى هذا المجتمع
وبالنسبه للاضراب احب اقولك ان انا ورضا قلنا الكلام بتاعك ده امبارح
الى بيدعوا لاضراب سته ابريل جعان زي الجواعى الى فى الشارع دول ؟؟
عليه شيكات وهايروح فى داهيه زي الناس الي وقعت التجاره بتاعتها من تباعيات الازمه
عياله بايتين فى العرا ما لهمش ساتر
الدنيا مش ناقصه واقفه حال
مش كلام وبس على فكره مني انى فعلا باعمل كده
بس انا بجد ما اقدرش اقعد من غير ما اعمل حاجه لا قول حاجتين مع بعض حاجه واحده ما بتقاش كفايه غالبا
ثانيا بقى الرشاوي والفساد اعتبر ان الى ينجح انه يقلبنى فى رشوه ده يعنى عمل حاجه غير مسبوقه لانى بجد بارفض الانخراط فى الفساد بالطريقه دي
لا ومش بس الرشوه
لو انا داخله نادي ولا بوابة مدينه من الى بياخدوا فيها فلوس
والله لو كانت التذكره بربع جنيه لازم اقف اخد الوصل ايوووووووووه
حتى لو قعد بن الدزمه يكتب فيها ساعه انا بقى رخمه
ما اسيبش حقي ولا اسمح لحد يسرق على حسي ولا اسيب حد بتزنى
انا اتعلمت السواقه وعملت الرخصه بتاعتي من غير اي تدخل من اي حد ورفضت الواسطه والرشوه والحمد لله تعالى ربنا سهلها
اي نعم هما كرموني شويه عشان واحده ست
لكن برضه انا كنت رافضه من الاول وقلت لبابا سبوني يا ناس ا جرب لو فشلت هاصوت واقول الحقوني
والحمد لله عملوها الستات هههههههههههههه
وحاجات كتير والله توكلوا على الله يا ناس وقولوا حسبى الله بس والمواضيع هاتمشي
معاك يا فندم قلبا وقالبا وهادعوا معاك على مدونتي
وهاعملك جروب على الفيس بوك وهاشوف ايه ممكن اعمله تاني
تحياتي لحضرتك ولاضرابك
تحيات لحسنى لا
هههههههههههههههههه
طبعا انت دلوقتي محتاج بنادول من الرغي بتاعي خد من عند البت مروه بقى
ههههههههههههههههههههه
من قال لا أعلم فقد افتى
ردحذفوانا بفتي اهو واقولك ان انا بصراحة لا أعلم في السياسة شئ ومش عاوزه اعرف غير العادى اللى كلنا عارفينه مش عارفه مين الغلط ومين اللى صح اوي اللى اعرفه ان الحكومة عليها دور مش بتفذه بما يرضي الله وان الشعب والناس كمان مش بيقومو بدورهم صح
انما اضراب 15 مايو انت معاك فيه حق مليون في المية
وانا هانضم لصبرنى واحنا الاتنين معاك
اخيرا بئى حلو اوي انك اخترت 15 مايو اصل دا عيد ميلادى وكويس انه هايكون فيه حاجة ايجابيه .
انت فين يا ا ستاذنا
ردحذفرضا بيقولك انت كنت معايا فى الجيش ؟؟
اصله كان بيعمل كده فى المربى برضه
هههههههههههههههههههههههههههههه